ഒരു പാട്ട്

 

ഒരു പാട്ട് കൂടി പാടുവാൻ ഞാനിതാ

നിൻസവിധത്തിൽ തപസ്സിരിപ്പൂ

ഒരു തേൻ കണമായ് എന്നിൽ നിറയ്ക്കുക
ആ സർഗ്ഗ ചേതന ഇറ്റെങ്കിലും

 

ചുറ്റും ചിരാതുകൾ നൃത്തം ചവിട്ടുന്ന

കാർത്തിക രാവിന്റെ ചന്തങ്ങളിൽ

ആകാശ മേലാപ്പിൽ താരകപ്പൂവുകൾ

പൂത്തുലയുന്നോരീ രാവിതോന്നിൽ

നീവരില്ലേ എന്റെ ഭാവനാ ലോകത്തിൽ

പൂത്തിങ്കളായി  പ്രഭചൊരിയാൻ

രാപ്പൂവിൻ ഗന്ധങ്ങൾ ചുറ്റും നിറയുന്ന

മാദക രാവിന്റെ യാമങ്ങളിൽ
പാതിരാക്കാറ്റിന്റെ നൂപുരതാളത്തിൽ

പൂമരം ലാസ്യമോടാടിടുമ്പോൾ

ആ പൂനിലാവിന്റെ പാലോളിശോഭയിൽ

രാപ്പാടിപോലെ ഞാൻ  പാടിടട്ടെ.