2/21/2020

ചോരചാറിച്ച

ചോരചാറിച്ച 

മുല്ലപ്പൂക്കൾ ചുവക്കുന്നതും 
തെറ്റിപ്പൂക്കൾ വെളുക്കുന്നതും കണ്ട് 
ഉടഞ്ഞുവീണ വിഗ്രഹങ്ങളിൽ ചവിട്ടി 
അഴിഞ്ഞുവീണ പൊയ്‌മുഖങ്ങൾ 
വലിച്ചുകീറി.... 
വ്രണിതപാദയായ് വിഷണ്ണയായ് 
ഞാൻ മുന്നോട്ട്... !

കള്ളിച്ചെടിയുടെ തണ്ടിൽനിന്നൂറിയ
ഇറ്റു വെള്ളം തീർത്ഥമായ്.. 
തീർത്ഥമിറ്റുന്ന നേരത്തും മുള്ളിനാൽ 
നുള്ളിനോവിച്ചുവെങ്കിലും....
ദാഹം തീർത്ത്... ഞാൻ മുന്നോട്ട്.....!

ദൂരെ വസന്തം പൂക്കുന്നതും അവിടെ, 
ചുവന്ന തെറ്റിയും വെളുത്ത മുല്ലയും 
പൂത്തുലയുന്നതും സ്വപ്നം കണ്ട് പഴുത്ത മണലിൽ ചോരചാറിച്ച്...!

അഭിപ്രായങ്ങളൊന്നുമില്ല: