ഹൃദയമേ ഞാന്‍ കാണുന്നു നിന്‍
കുങ്കുമനിറമോലും ചേതനയില്‍
പ്രണയമാം മഴവില്ലിന്‍ സപ്ത വര്‍ണ്ണം
അലിയുന്നു ഞാനതിന്‍ മോഹവര്‍ണങ്ങളില്‍
എന്നെത്തന്നെ മറക്കുന്നു
ഒരു ചെമ്പനീര്‍പ്പൂവില്‍ ഒതുക്കുവാനാവില്ല
നിന്നോടുള്ള എന്‍ പ്രണയം
മുന്തിരിച്ചാറിന്റെ ലഹരിതോല്‍ക്കുന്നു
എന്നില്‍ നീ പകരുമുന്മാദം
പുലര്‍കാലേ തിളങ്ങും തുഷാരകണത്തേക്കാള്‍
മോഹനമാണ് നിന്‍ പ്രണയം
പൂവിലെ തേന്‍കണം നാണിച്ചു നില്‍ക്കുന്നു
നിന്‍ സ്നേഹത്തിന്‍ മധുവിന്റെ മുന്നില്‍
നീ എന്റെ ഹൃദയത്തെ പാലാഴിയാക്കുന്നു
വൈകുണ്ഡനാഥനായ് എന്നില്‍ ജ്വലിക്കുന്നു
നീ എന്റെ സ്വര്‍ഗ്ഗം
നീ എന്റെ സ്നേഹം
നീ എന്റെ ലോകം പ്രിയനേ
2 അഭിപ്രായങ്ങൾ:
സ്വയം മറന്ന പ്രണയ പർവ്വം കൊള്ളാം
പ്രണയത്തിന് ആശംസകൾ
ഒരു അഭിപ്രായം പോസ്റ്റ് ചെയ്യൂ