ഞാനറിയാതെ

വരില്ലെന്നറിയാം  

എങ്കിലും കാത്തിരുന്നു

ഒരുപാട്  മധുമാസങ്ങള്‍ 

കടന്നുപോയിട്ടും 

പൂക്കാത്ത മാവുപോലെ 

നിന്‍റെ വരവ്  അറിയതെ പോയതാണോ ?

വെള്ളിനക്ഷത്രമായ്  

 ആകാശത്ത് 

പൂത്തു നിന്നത് 

നീ ആയിരുന്നോ

എന്നോ പെയ്തൊരു മഴ  

നിന്‍റെ വരവറിയിച്ചതായിരുന്നോ 

വന്നു പോയ 

കൊടും വേനല്‍  നിന്‍റെ 

സങ്കടം  എരിച്ചു തീര്‍ത്തതാണോ

പ്രഭാതത്തിലെ  തുഷാര ബിന്ദുക്കള്‍ 

നീ ആണ് എന്ന്  ചിലപ്പോള്‍ 

ഞാന്‍ ധരിച്ചു

എന്നെ തലോടി കടന്നുപോയ കാറ്റിന്‍റെ 

 സ്പര്‍ശം  നിന്റെതാകാന്‍ 

 ഞാന്‍ കൊതിച്ചു   

നിശബ്ദ നിമിഷങ്ങളില്‍ 

 മൌനമായി എന്നെ  പൊതിഞ്ഞത് 

നീ ആയിരുന്നോ

മഞ്ഞു പൊഴിക്കുന്ന രാവില്‍ 

ഒരു രാപ്പാടി  പാടിയിരുന്നു 

അത് നീ ആയിരുന്നോ

വന്നു എങ്കില്‍ ഒരിക്കലെങ്കിലും 

എന്നോട് പറയാമായിരുന്നു 

 ഇത് ഞാനാണ് എന്ന് 

വന്നിട്ടും  തിരിച്ചരിയാത്തതില്‍ 

പരിഭവമുണ്ട്  അല്ലെ 

കണ്ടിട്ടും കാണാതിരുന്നതില്‍ 

സങ്കടവും 

എങ്കിലും എനിക്കറിയാം 

നീ എന്നിലുണ്ടെന്ന്